Бизнестеги керектүү куралдар

Согушкандардын куралсыз согушка чыкканын элестетип көрүңүз. Экинчи дүйнөлүк согуш... Фашисттик Германия менен Советтер Союзунун Курсктагы чечүүчү салгылашуусу. Бардык жоокерлердин камуфляждары, куралдары бар, бирок алардын ичинде бир жоокер эч бир куралсыз, керек болсо кымындай бычагы жок, душмандарды көздөй чуркап бара жатат. «Ураа!» - деп кыйкырып алган. Оюнда Курск шаарын душмандардан бошотуп, аларды чегинүүгө аргасыз кылуу. Анын оюу ишке ашабы? Албетте ашпайт! Куралы жок келесоо гана алдыда «Ураа!» - деп кыйкырса керек. Андай куру баатырды биринчи ок «муах» деп өөп, жерге алып түшпөйбү. Курскту бошотом деген кыялы ойрон болуп, өлүгү жерде калып жок болбойбу. Мындай болбош үчүн куралдын маанилүүлүгүн түшүнө билүү керек. Биздин бизнесте да мындай куралдар бар. Колуңуздагы куралдын жардамы менен компания, бизнес тууралуу маалыматты төкпөй-чачпай болочок командалашыңызга жеткиресиз. Муну менен катары куралдар убакытыңызды үнөмдөп, сизге жардам берет. Албетте куралдардын баары сатылат. Бирок, мамлекеттик казынанын көпчүлүгү деле аскердик куралга жумшалып жатпайбы. Курал көп акчаны талап кылат, себеби анын мааниси да ошончо. Курал болбосо эртең эле мамлекетти сыйпалап, таппай калабыз да. Мамлекет башка күчтүү бир мамлекеттин карамагына өтүп, колониясы болуп калат. Анан ал мамлекеттин жарандары жаңы кожолорго бардык байлыктарын беришип, өлөрү өлгүчө кул болуп жашашат. Курал көп акчаны талап кылат, бирок өзүн актайт. Ал сизге эркиндикти тартуу кылат, сиз коркпостон башкаларга сес көрсөтө аласыз. Бүгүн бираз чыгашалар менен өзүңүздү куралдатып алсаңыз, эртең чыгашаларыңызды миң эселеп кайтарып аласыз.

Биздин бизнесте колдонулган куралдарды жалпысынан 5 категорияга бөлсөк болот:

1. Блокнот жана ручка;
2. Видео жана аудио;
3. Газета жана журналдар:
4. Китептер;
5. Кошумча куралдар.
6. Блокнот жана ручка. Биздин кыялыбыз бар. Ага жетүүнү максат кылып, план түзүп койгонбуз. Пландын эң негизги фактору болуп, убакыт саналат. Блокнот жана ручка, бул сиздин жеке «секретаршаңыз». Секретаршаңыздын болуусун каалайсызбы? Анда блокнот жана ручканы сатып алыңыз.J Блокнотко алдын ала ар бир күндүн планы жазылышы керек. Блокнот сиздин күндөлүгүңүз, мектепте күндөлүктү кандай колдонгон болсоңуз, блокнотту да ошондой колдонуңуз. Таза кармап, сырткы келбетине да көңүл буруңуз, бул сиздин негизги атрибутуңуз!
7. Видео жана аудио. Бул түрлүү куралдарга видео жана аудиого сакталган информациянын баардык түрлөрү кирет. Ал информациялар балким компания, балким башка нерселер тууралуу маалымат сактаган ташуучулар болушу мүмкүн. Албетте мындай түрлүү куралдар сиздин ишиңизди илгерилеткенге толук мүмкүнчүлүк түзөт.
8. Сиз иштеген компания газета жана журналдарды белгилүү бир убакытта чыгарып турат эмеспи. Алардын бирин калтырбай алып турууга аракет кылыңыз. Ичиндеги маалыматтардын баарын кылдаттык менен окуп, газета же журналды чогултууга баш байлаңыз.
9. Китептер. Китептин жардамы эбегейсиз. Китеп жазган адам китебине эбегейсиз чоң энергия жумшайт. Ал китепти окуп жаткан адам да ал энергияны толук алып, күчкө ээ боло түшөт. Андыктан видео же аудиого караганда китепке көбүрөөк басым кылыңыз. Мисалы, «Гарри Потер» тасмасын көрсөңүз керек. Эми анын китебин окуп көрсөңүз, фильмден алган таасир менен китептен алган таасир такыр башка. Мен өзүмдүн ишмердүүлүгүмдө газета, журнал жана китептерди көп колдоном. Эгерде сиз дагы деле мага кошула албай жатсаңыз, анда дагы бир мисалды келтирип кетейин. Бөрк Хеджестин «Суу өткөргүч тууралуу  жомок» аттуу китебинин негизинде тартылган «Пабло жана Бруно» аттуу мульттасмасын баардык желечи көрүп чыкса керек. Эгерде көрбөгөн болсоңуз, тез аранын ичинде көрүп чыгыңыз. Көрүп бүткөн соң, анын аталган бестселер китебин алып, окуп көрүңүз. Айырмасы асман менен жердей. Жазууда Пабло менен Брунонун ички жан дүйнөсү да сүрөттөлгөн. Ал эми видеодон болсо, бир арык жана бир «качок» баланы гана көрөбүз. Алардын ички жан дүйнөсүн мультфильмге кантип тартышмак эле. Мүмкүн эмес! Видео менен аудиого караганда кагазга жазылган маалыматты бийик тутканымдын дагы бир себеби бар. Кино көргөн адамдын концентрациясы толук бойдон фильмде болбойт, ал кимдир бирөө менен сүйлөшүп кетүү же башка нерселерге алаксып кетүү коркунучу бар. Мисалы, видео көрүп жатканда уюлдук телефону шыңгырап калса, ал адам шыр телефонду алып жооп берет. Маектешүү мезгилинде видео жана аудио токтобостон кете берет, тиги болсо сүйлөшүп бүткөндөн кийин кайра жанагы жерден койбостон улантып кете берет. А, балким ал сүйлөшүп жаткан мезгилде эң негизги ой айтылган чыгар. Тиги алаксып, ал ойду укпай калды. Эгерде видеону кайрадан коёт деп ойлосоңуз туура эмес ойлонуп жатасыз. Китеп окуганда болсо, бирөө чалса сүйлөшүп келет да, анан кайра токтогон жеринен окуп, улантат. Андыктан, мүмкүн болсо китепке көңүл бөлгөнгө аракет кылыңыз.

Китеп менен кошо дагы бир нерсеге назарыңыздарды бургум келип жатат. Бизнес менен тааныштырып жатканда кошумча маалымат алуу үчүн китептин көчүрмөсүн (ксерокопия) берүү такыр туура эмес. Бул жерде психологиялык аспект жатат. Эгерде ксерокөчүрмөнү берсеңиз окуганга алган адамдын жоопкерчилиги төмөн болот. «Ай, каяктагы бир ксерокопияны берип, башымды чагып жатат» - деп коюп, окубай коюшу мүмкүн. Ошондуктан, китепти ксерокөчүрмөдөн өткөрөм деген ойдон оолак болуп, көптөгөн желечилер кетирген катачылыкты сиз кетирбеңиз. Китеп берсеңиз жоопкерчилик даражасы жогорулай түшөт да, ал китепти эч болбоду дегенде бираз окушу мүмкүн. Кызыктуу болсо, калганын сөзсүз окуйт. Мен бул нерсени айтканда, айрым желечилер мындай деп калат: «Нургазы, мен анын эки эле бетин окуусун каалап жатпаймынбы?». Урматтуум, ал адамдын канча бет окушу керек экенин өзү чечсин, канчалык көп маалымат алса, ошончолук туура жыйынтыкка келет.

Кошумча куралдар. Жогоруда аталган куралдардын арасында сизге ылайыктуулары мол. Алардын ар бири желечиге өз пайдасын тийгизет. Эгерде сиздин колуңузда 10 гезит-журнал, 10 бизнес тууралу аудио-видео курал, 3 эле китеп болсо, анда сиздин бизнесиңиз 10 эсе күчтүү болуп, сизди сындырууга эч кимдин күчү жетпейт. Бул үчүн албетте куралды туура пайдалануу абзел. Эми кошумча куралдарга кайрылсам, кошумча куралдарга: уюлдук телефон, үй телефону, DVD, продукциялар, бейджик, диктофон, видео жана фото аппарат, оргнайзер, фото альбом (ишке тиешелүү), визитка, электрондук почта ж.б.у.с.  буюмдар кирет. Бул топтогу куралдардын болуусу сөзсүз эмес, бирок болсо ишиңиз биртоп жеңилдей түшөт. Сизге бир гана нерсеге көңүл буруу талап кылынат: кайнысы кандай жагдайларда колдонула турганын билип алыңыз.